PKK üzvləri Türkiyənin cənub-şərqində partlayış törədib, 17 hərbçi xəsarət alıb
17.07.2017 20:00
Onlardan dördünün vəziyyəti ağırdır.
Türkiyənin cənub-şərqində Hakkari vilayətində PKK üzvləri tərəfindən yolda quraşdırılmış əldəqayırma partlayıcı qurğunun işə salınması nəticəsində 17 hərbçi yaralanıb.
Bu barədə "Report" RİA "Novosti"yə istinadən xəbər verir.
"Hərbi nəqliyyat vasitələrinin yolla hərəkəti zamanı terrorçu PKK üzvləri Hakkari vilayətinin Yüksekova rayonunun Esendərə kəndi yaxınlığında əldəqayırma partlayıcı qurğunu işə salıb. Nəticədə 17 hərbçi yaralanıb, onlardan dördünün vəziyyəti ağırdır. Yaralılar xəstəxanaya yerləşdirilib. Hadisəni törədənlərin neytrallaşdırılması istiqamətində əməliyyat davam etdirilir", - Türkiyə baş qərargahının məlumatında deyilir.
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
