Əfqanıstanda NATO-nun bombardmanı nəticəsində 16 nəfər ölüb

anews.az Report-a istinadən xəbər verir ki, hadisə Nanqahar əyalətinin Xaska Mina rayonunda olub.

Bombardman nəticəsində ölənlərin çoxu qadın və uşaqdır.

Əyalət qubernatorunun nümayəndəsi Attaulla Xoqiani qurbanlarla bağlı informasiyanı təsdiqləsə də, onların mülki sakin olub-olmamaları barədə məlumat verməyib.

Qeyd edək ki, bu ilin iyulunda ABŞ-ın aviazərbələri nəticəsində Əfqanıstanın 16 polis əməkdaşı ölüb.