Venesuelada həbsxanada iğtişaşlar nəticəsində 37 nəfər öldü

anews.az-ın APA-ya istinadən verdiyi xəbərə görə, Venesuela Təhlükəsizlik Xidməti  Puerto-Ayakuço şəhərində həbsxanada əməliyyat keçirib.

Məlumata əsasən, hökumət qüvvələrinin həbsxanada nəzarəti bərpa etmək cəhdi məhkumların müqaviməti ilə qarşılaşıb. Nəticədə qanlı toqquşmada 37 dustaq ölüb, polis əməkdaşları arasında itki barədə məlumat verilmir. Venesuela Təhlükəsizlik Xidməti mütəmadi olaraq ölkə həbsxanalarında əməliyyat keçirir. Bu reydlərin əksəriyyətində polislə məhbuslar arasında toqquşmalar baş verir.