“YouTube”da “Android” sistemli qurğular üçün yeni funksiya istifadəyə verilib
11.09.2017 21:00
Bir sıra "Android” smartfon istehsalçıları son qabaqcıl modelləri "High Dynamic Range” (HDR) rejimini dəstəkləyən ekranlarla təchiz etməyə başlayıb.
Problem isə funksiyanın "Netflix” və oxşar servislər kimi yalnız bir neçə proqram tərəfindən dəstəklənməsindən ibarətdir. Bundan başqa, "HDR” rejimini dəstəkləyən kontent indiyədək çox azdır və ya onun üçün ödəniş etmək tələb olunur. Lakin "YouTube” servisinin son yenilənməsi "Android” əməliyyat sisteminin idarəetməsi ilə işləyən bəzi smartfonlara "HDR” rejimini dəstəkləyən videodan istifadəyə imkan verir.
anews.az ICTnews-a istinadən xəbər verir ki, "High Dynamic Range” funksiyasını dəstəkləyən videonun üstünlüklərini "Samsung Galaxy S8”, "Galaxy S8 Plus”, "Galaxy Note 8”, "LG V30”, "Sony Xperia XZ Premium”, "Google Pixel” və "Pixel XL” qurğularının sahibləri qiymətləndirə bilərlər. Hazırda "YouTube”da yeni funksiyanı yalnız qeyd edilən qurğular dəstəkləyir. Funksiyanın "Samsung Galaxy Tab S3” və "LG G6” qurğularında istifadəsi gözlənilir.
Qeyd edək ki, "YouTube” servisində hazırda "HDR” rejimini dəstəkləyən videoya az rast gəlinir.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
