Sarkisyanla baş qərargah rəisi arasında qalmaqal: Kim qalib gələcək?

Belə ki, bir sıra yüksək vəzifəli hərbçilər Movses Akopyanın nazirlikdəki davranışları və özünü fərqli aparmasına dair orduda ciddi narazılıqların olduğunu bildirir. Deyilənlərə görə, Akopyan ilkin olaraq özünü hərbçi olmayan müdafiə nazirindən üstün tutmağa çalışır. Bundan başqa Akopyan tabeliyindəki şəxsi heyət və nazirliyin tərəfdaşları ilə apardığı davranışlarda bəzən özündən razı, bəzi hallarda isə kobudluqlar etməsi ilə yadda qalıb. 

Xatırladaq ki, aprel döyüşlərindən sonra Akopyan və Müdafiə Nazirliyinin müxtəlif əmlak və əşya təminatı ilə məşğul olan hərbçilər arasında böyük qalmaqal yaranmışdı. Yüksək vəzifəli hərbçiləri təhqir edən Akopyan baş verən qalmaqaldan sonra ictimai şəkildə üzr istəyib. Bənzər hallar dəfələrlə təkrarlanıb.

Ermənistanın Müdafiə Nazirliyindəki mənbələrin məlumatına görə, Vigen Sarkisyan və Akopyan arasında nizam-intizama əməl edilməsinə dair ciddi danışıqlar aparılıb. Baş qərargah rəisi müdafiə nazirinə qarşı çıxaraq, özünün hərbçi olduğunu, vəziyyətə və qoşunlarda aparılan fəaliyyətlərə nəzarət etdiyini bildirib. Sarkisyan isə onu sakitləşdirməyə çalışıb. O, baş qərargah rəisinin qarşısına şərt qoyaraq bildirib ki, ya digər işlərə müdaxilə etməsin, tabeliyində olan şəxsləri təhqir etməsin, kobud davranmadan sakitləşsin və öz işini görsün, ya da ordudan uzaqlaşsın. 

Fırtınadan öncə sakitlik davam etsə də, hazırda 2018-ci ilin aprel ayından sonra Vigen Sarkisyanın naziri olaraq qalacağı və ya digər vəzifəyə təyin ediləcəyi məlum deyil. 

Müdafiə nazirliyində vəzifə tutan şəxslər hesab edirlər ki, Vigen və Akopyan bir-birinə zidd şəxslərdi. Vigen Akopyanın orduda xidmət etməsini istəmir. Hazırda situasiya onun üçün barışılmazdır. 

Vigen 2018-ci ilin aprelindən sonra müdafiə naziri olaraq fəaliyyətini davam etdirərsə, Akopyanın vəzifədən çıxarılması təsadüfi olmayacaq. Lakin, hazırda Ermənistanın Müdafiə Nazirliyində bu posta uyğun kadr olmadığından Akopyan vəzifədə saxlanılır. 

Nəticədə, Vigen Sarkisyanla qalmaqaldan sonra Akopyan mətbuatın diqqət mərkəzindən, qalmaqallı hadisələrdən qaçmaqla 2018-ci ilin aprel ayınına kimi yaranmış vəziyyəti yola verməyə çalışacaq. 

Həqiqətən, Ermənistanın Müdafiə Nazirliyində nazir və baş qərargah rəisi arasında yaranan uçurum yalnız bir şeyi ehtiva edə bilər: nazirlik daxilində parçalanma, yüksək rütbəli hərbçilər arasında qruplaşma, intizamsızlıq və nəticə etibarilə Serj Sarkisyanhakimiyyətinin hərbi dayağını təşkil edən strukturun məhvi. 

Şahin Qocayev
AzVision.az 

www.anews.az