İordaniyanın Fransadakı səfirliyinin binası qarşısında partlayış olub

İordaniyanın Fransadakı səfirliyinin hərbi attaşeliyinin binası qarşısında partlayış olub.

"Report” "Haber7"yə istinadən xəbər verir ki, bu barədə İordaniya Xarici İşlər Nazirliyi ölkə televiziyasında açıqlama yayıb.

Məlumata görə, Parisdə hərbi attaşeliyin binası qarşısında partlayıcı quraşdırılmış motosiklet partladılıb.

Ölən və yaralananlar, dağıntıların olub-olmadığı barədə məlumat verilməyib.