Kaladze maaşından imtina etdi

Anews.az-ın məlumatına görə, bunu meriyanın mətbuat xidmətindən bildiriblər. 

"K.Kaladze artıq neçə illərdir ki, əməkhaqqı almır. Hamı bilir ki, o, energetika naziri olanda da əməkhaqqından imtina etmişdi. O zaman da həmin pullar sosial yardım üçün istifadə olunurdu. Həmin praktika indi də davam edəcək”, - deyə mətbuat xidməti bildirib.

Qeyd edək ki, Tbilisi merinin əməkhaqqı 3180 lari (2040 manat) təşkil edir.

K.Kaladze Gürcüstanın ən varlı şəxslərindən biridir. Bəyannaməyə əsasən, onun hesabında 9,6 milyon dollardan çox vəsait var.

Xatırladaq  ki, Tbilisi meri seçkilərində qələbəyədək K.Kaladze Gürcüstanın energetika naziri vəzifəsində çalışırdı. O, bu vəzifəyə 2012-ci ildə təyin olunmuşdu.