Xərçəngin səbəbi açıqlandı

Əsrin bəlası, hər il yüz minlərlə insanın ölümünə səbəb olan xərçəngin əsas səbəbi ziyanlı vərdişlərdir. 40 faizdən çox halda xəstəlik həyat tərzi ilə bağlı olur ki, bunu da dəyişmək əlimizdədir. İstiPress-in məlumatına görə, Amerika onkoloqlar cəmiyyəti belə düşünür. 

Onların birgə araşdırmalarında qeyd edilir ki, xərçəngin ən yüksək inkişaf riski siqaret çəkməklə bağlıdır. Siqaret çəkənlərin xərçəng olma payı 19, ölüm payı isə 29 faizdir. 

Artıq çəki ikinci yerdədir. Xəstəliyin yaranma riskini daha 7 faiz çoxaldır. Xəstəliyə səbəb olan amillərin arasına içki, ultrabənövşəyi şüalanma, aşağı fiziki aktivlik və s. aid etmək olar. 

Araşdırma çərçivəsində bu faktorlarla bağlı olan xərçəngin 26 növü araşdırılıb. Nəticədə pis vərdişlərin daha çox ağciyər və bağırsaq xərçənginə səbəb olduqları üzə çıxıb.

Alimlərin fikrincə, pis vərdişlərdən əl çəkmək, balanslaşdırılmış qida, fiziki fəallıq xərçəng riskini əhəmiyyətli dərəcədə azaldır.