“VKontakte”də yenilik!

Anews.az Lent.az-a istinadən xəbər verir ki, sosial şəbəkənin rəhbərliyi hətta "göndərmək” düyməsini sıxdıqdan sonra göndərilən mesajları redaktə etmək imkanı verib. Belə bir imkan göndəriləndən sonrakı ilk 24 saat ərzində mümkündür.

Mətni dəyişdirmək üçün məlumatın silinməsi işarəsinin yanında yerləşən karandaş işarəsinə sıxmaq lazımdır. Bu funksiya hələlik yalnız "Android” cihazlarının sahibləri üçün əlçatandır. iOS istifadəçiləri isə bu yaxınlarda baş verəcək yenilənmədən sonra bu funksiyadan yararlana biləcək. Hələlik bu yenilənmənin dəqiq tarixi barədə məlumat yoxdur.

Bundan başqa, yenilənmə paketi çərçivəsində istifadəçinin dostlar siyahısında olmayan insanları da söhbətə dəvət etmək funksiyası əlavə edilib. Müəyyən keçid vasitəsilə bu söhbətə istənilən şəxs qoşula biləcək.