Şok iddia - rus əsgərləri Türkiyəyə girir

Türkiyəyə S-400 raket kompleksindən öncə rus əsgərləri gələcək. İstiPress-in məlumatına görə, bu müthiş iddianı Türkiyə mətbuatı yayıb. 

Məlumatda qeyd edilir ki, Rusiyanın müdafiə sənayesi məhsulları istehsalı ilə məşğul olan "Rostech"in rəhbəri Sergey Çemezov belə deyi b. Onun sözlərinə görə, S-400 müdafiə sistemi qurulmamışdan öncə Türkiyə ilə hərbi-texniki işbirliyi haqıqnda anlaşma imzalanacaq. Bu razılaşmaya görə, S-400-lərin təhvilindən qabaq  Türkiyədə rusiyalı hərbçilərin yerləşdirilə biləcəyi bir baza tələb edilə bilər. 

Daha öncə Yunanıstan və İrana "S-300" satan Rusiya hərbi liman, hərbi hava limanı və bəzi hərbi haqqlardan istifadəni haqlar təmin etmişdi. Türkiyədən də bənzər tələbin ola biləcəyi istisna edilmir. 

Çemezov ABŞ və NATO-nu qorxuya salan sistemin 2019-cu ilə kimi təhvil verilə biləcəyini də açıqlayıb.

ABŞ və NATO bundan öncə də dəfələrlə Türkiyənin adıçəkilən kompleksi almasına etiraz edib. ABŞ-ın NATO-dakı daimi nümayəndəsi Key Beyli Xatçison bildirib ki, Türkiyənin bu qərarı problemlidir. 

NATO isə Rusiyadan S-400 zenit-raket kompleksi alan Türkiyəni hətta hədələyib. Alyansın hərbi komitəsinin rəhbəri Petr Pavel Rusiya ilə razılaşmanın mümkün nəticələrinin ola biləcəyini deyib. "Əlbətdə ki, hərbi texnikanın alışında suverenlik prinsipi əsasdır. Ancaq ölkələr qərar verdiklərində olduqları kimi, bu qərarın nəticələri ilə qarşılaşdıqda da suveren olmalıdırlar".