Rusiya rublu dəyişir?

Trend-in məlumatına görə, bu il Rusiyada 200 və 2000 rubl dəyərində əskinaslar istehsal edilib. Bu əskinasların dekabr ayında kütləvi buraxılışı gözlənilir.

Mərkəzi Bank 200 və 2000 rublluq əskinasları bu il oktyabrın 12-də təqdim etmişdi.

Qeyd edək ki, bu əskinasların tədavülə buraxılacağı ötən ilin aprelində elan olunmuş, ölkə əhalisinə pullar üçün rəmzi təsvirlər seşmək təklif olunmuşdu. Bir müddət davam edən səsvermədən sonra 200 rubl üzərində Krım, 2000 rubl üzərində Uzaq Şərqin təsvir olunması qərara alınmışdı.