Suriyada Rusiyanın 7 təyyarəsi məhv edilib

AzVision.az-ın xəbərinə görə, bu barədə "Kommersant” qəzeti hərbi-diplomatik mənbələrə istinadən məlumat yayıb.

Nəşr qeyd edib ki, hadisə dekabrın 31-də baş verib. Minaatanlarla edilən hücumda Rusiyanın ən azı 4 ədəd "Su-24” bombardmançı təyyarəsi, 2 ədəd "Su-35S” qırıcı təyyarəsi və 1 ədəd "An-7”2 hərbi-nəqliyyat təyyarəsi məhv edilib. 

Eyni zamanda silahların olduğu anbarda partlayış baş verib. 10-dan çox rusiyalı hərbçinin yaralandığı bildirilir. Mənbə əlavə təfsilatlar verməyib. Rusiya Müdafiə Nazirliyi qalmaqal barədə şərh verməyib. 

Rusiyanın Müdafiə Nazirliyi yalnız Suriyanın Hama əyalətində helikopterin qəzaya uğraması barədə məlumat yayıb. Qeyd olunub ki, "Mi-24” tipli helikopter dekabrın 31-də Hamada tapşırığın icrası zamanı qəzaya uğrayıb. Hər iki pilot ölüb. Hadisə ilə məlumat isə yanvarın 3-də yayılıb.