Türk ordusu şəhər döyüşünə başlayır - İlk dəfə

Axar.az xəbər verir ki, bu barədə "Hürriyət” informasiya yayıb.

Məlumata görə, başda Raco, Cinderes və Şeyx Hədid olmaqla, YPG-PKK işğalındakı dağlıq ərazini tamamilə təmizləmək istəyən türk ordusu və ASO-nun "Zeytun budağı” əməliyyatı çərçivəsində "ilk şəhər döyüşü” kimi qiymətləndirilən əməliyyatı bu gündən etibarən başladılacaq.

Əli Bekki kənd və 740 nömrəli yüksəkliyi daha əvvəl azad edən türk ordusu kritik hesab edilən Raco bölgəsini mühasirəyə alıb. Raconun ardından isə Cinderes və Şeyx Hədid bölgələri təmizlənəcək. Son olaraq şimalda mühasirədə saxlanılan Bülbül bölgəsinin azad edilməsi ilə PKK-PYD sərhəd ərazisində nəzarət etdiyi bütün ərazilərdən qovulacaq və terrorçulara yekun zərbə kimi şəhər əməliyyatına başlanılacaq.