Abdullatipovdan Kremlə sərt ittiham: Fikrinizi dəyişin

Axar.az xəbər verir ki, bunu RBK agentliyinə açıqlamasında Dağıstandakı son həbsləri şərh edərkən Dağıstanın keçmiş rəhbəri Ramazan Abdullatipov söyləyib.

"Bu, siyasi baxımdan düzgün deyil. Prezident seçkiləri gedir və bu zaman faktiki olaraq bu respublika hakimiyyəti etibarsızlaşdırılır. Bunu etmək lazım deyil. Mənim gedişimə qədər də Dağıstanda kriminalla mübarizə bundan az aktiv olmayıb. Hüquq mühafizə orqanları respublikanı təmizləməkdən ötrü az iş görməyiblər. Mən 26 rayon rəhbərini, iki dəfə də hökuməti dəyişmişəm. Biz bunu kampaniyaya çevirməmişdik. Mən respublikanı reanimasiyadan çıxarıb nisbətən nizama gətirmişdim. Burada ağılla hərəkət etmək lazımdır ki, mənfi nəticələr olmasın. Heç kim heç yerə qaçmır, heç kim gizlənmir. Mahaçqala şəhərinin mühəndisi Maqomedrəsul Gitinovu böyük maskalı şəxslər qrupu ilə həbs etməyə nə ehtiyac var? Dağıstan və dağıstanlılar dəyişib, amma Moskvada dağıstanlılar haqqında fikir dəyişməyib. Təəssüf ki, bütün məsələlər bundan qaynaqlanır” – deyə o bildirib.