Sarkisyanın nümayəndələri qadın siyasətçini döydü - VİDEO

AzVision.az erməni KİV-lərinə istinadən xəbər verir ki, "Yerkir Tsirani" fraksiyasının üzvləri Nubaraşen ərazisində yayılan pis qoxuyaya etiraz olaraq iclasa kanalizasiya suyu doldurulan qablar gətiriblər.

Fraksiya üzvü Marina Xaçatryan suyu İrəvan meri Taron Marqaryana vermək istəyib. İqtidar partiyasının üzvləri ona mane olmaq üçün ayağa qalxıblar. Çirkab suyu merin masasının yanında tökülüb, o tez ayağa qalxaraq nə baş verdiyini anlamağa çalışıb. 

Hakim partiyanın üzvləri Marina Xaçatryana hücum edərək onu iclas zalından qovmağa çalışıblar. İrəvan merinin köməkçisi Qor Vardanyan Marina Xaçatryana qarşı güc tətbiq etməkdən çəkinməyib.