15 yaşlı idmançı Rusiyaya ilk qızıl medalı qazandırdı

Anews.az xəbər verir ki, 15 yaşlı idmançı sərbəst proqramı mükəmməl şəkildə yerinə yetirərək, 239,57 bal toplayıb.

Digər rusiyalı idmançı Yevgeniya Medvedeva isə 238,26 balla gümüş medalın sahibi olub. Fəxri kürsüdə son yeri (bürünc medal) – 231,02 bal toplamış kanadalı idmançı Ketlin Osmond tutub.

Fevralın 21-də təqdim olunan proqramda Zahitova üstün olub. O, dünya rekordunu təzələmiş Medvedyevadan sonra buz üzərinə çıxaraq, həmyerlisinin nəticəsini təzələməyi bacarıb. Zahitova hakimlərdən 82.92 bal alıb.

Bu, rusiyalı atletlərin Olimpiyada qazandığı ilk qızıl medal sayılır. Rusiya Olimpiya atletləri komandasının aktivində buna qədər beş gümüş və səkkiz bürünc mükafat olub.

Qeyd edək ki, Pyançanqda keçirilən Qış Olimpiya Oyunları fevralın 25-də yekunlaşır.