Putinin çıxışı ABŞ-ı qorxutdu

Axar.az xəbər verir ki, bu barədə bəyanatı ABŞ Müdafiə Nazirliyinin Perspektivli Tədiqqat Layihələri İdarəsinin (DARPA) rəhbəri Stiven Uoker yayıb.

"Biz Rusiya və Çin kimi ölkələrlə rəqabət apardığımızı anlayırıq. Payızda hipersonik silahların işlənməsi üçün öz büdcəmizin artırılması təklifini irəli sürmüşük. ABŞ hipersonik silahlarını 2019-da sınaqdan keçirəcək”, – deyə o bildirib.

Qeyd edək ki, dünən Vladimir Putin Rusiyanın "Avanqard” hipersonik raketinə sahib olduğunu açıqlayıb. Onun sözlərinə görə, bu sistem ABŞ raketdən müdafiə sistemlərini yarıb keçmək imkanına sahibdir.