Putin “Troya əməliyyatı”ndan imtina etdi

 

Axar.az xəbər verir ki, bu barədə informasiyanı Britaniyanın "Tayms” qəzeti yayıb.

Muradovun hazırladığı planda region əhalisinin rusiyayönlü etirazlara cəlb edilməsinin nəzərdə tutulduğu iddia edilib. Bu planın Ukraynanın destabilizasiyası strategiyasının bir hissəsi olduğu vurğulanıb.

"Tayms” Muradovun planının Rusiya Prezidenti Vladimir Putinin köməkçisi Vladislav Surkovun ələ keçirilmiş elektron yazışmalarının içərisindən çıxarıldığını bəyan edib. Eks-deputatın hazırladığı plan "Troya əməliyyatı” adlandırılıb. Bu plana əsasən, Muradov Donbasdan qərbdə iğtişaşların yayılması üçün 181 min dollar xərcləməyi nəzərdə tutub. Bunun sayəsində isə regionun Kiyevin nəzarətindən çıxarılması planlaşdırılıb:

"Bu planın reallaşdırılması zamanı Rusiyanın regiondakı casus şəbəkəsindən istifadə olunmalı idi. Əməliyyat üçün xərclənəcək vəsaitin 40 min dolları bölgədəki rusiyayönlü etirazlar, 10 min dolları Ukrayna Təhlükəsizlik Xidməti və Daxili İşlər Nazirliyi tərkibində agentura şəbəkəsi qurmağa, 49 min dolları nəqliyyat vasitələri almağa yönəlməli idi. 19 min dolların isə Xarkovdakı kiçik mitinqlərə və polisə rüşvətə xərclənməliydi.

Muradovun planının reallaşdırılmasına Kreml sonradan izn verməyib.