Trampın bir tvitindən Bakı milyonlar qazandı

Axar.az xəbər verir ki, bahalaşmaya Suriyada müharibə təhlükəsi və neft ixracında ləngimə ehtimalları yol açıb. Beləliklə, "Brent” nefti qısa müddətə 4 dollar bahalaşıb.

Tvitin yazıldığı vaxt barreli 70 dollar civarında olan "Azəri Layt” isə hazırda 75 dollara yaxındır.

Beləliklə, Trampın tvitindən sonrakı iki gün ərzində Bakı neftin bahalaşması səbəbindən əlavə olaraq təxminən 1.8 milyon gəlir əldə edib.

Suriyada vəziyyətin gərgin olaraq qalması səbəbindən neftin bahalaşması davam edir. Ekspertlərin fikrincə, bahalaşma bir müddət davam edə bilər.

Qeyd edək ki, Azərbaycan gündəlik 400-450 barrel civarında neft satır. Yəni neftin bir dollar bahalaşması ölkəmizə günlük əlavə 400-450 min dollar gəlir gətirir.