Sərkisyanı ilk təbrik edən Putin oldu

Axar.az xəbər verir ki, bu barədə informasiya Kremlin rəsmi saytında yer alıb. Bu, Sərkisyana göndərilən ilk təbrik olub.

Qeyd edək ki, Sərkisyan dünən Ermənistan parlamenti tərəfindən baş nazir seçilib. Onun baş nazir olmasına 93 deputatdan 77-si səs verib.

Sərkisyanın hakimiyyəti yenidən zəbt etməsinə qarşı böyük etiraz aksiyaları başlayıb. Müxalif lider Paşinyan Ermənistanda məxməri inqilab başladığını elan edib.

Etirazçılar bu gün saat 10:00-da bütün Ermənistan ərazisində aksiyalar planlaşdırır.