Moldovada azərbaycanlı “killerlər” tutulub - VİDEO

anews.az xəbər verir ki, bu barədə Moldova KİV-də məlumat yayılıb.

Əməliyyatçılar şübhəlilərin qaldığı mənzilə reyd edib.

Yerli KİV-nin məlumatına görə, hər iki şəxs Ukraynanın mütəşəkkil cinayət dəstəsi üçün sifarişli qətllər həyata keçirib.  Saxlanılan şəxslər Xarkovda törədilən qətlə görə axtarışda olub.

İstintaqa əsasən, martın 29-da onlar avtomat silahlarla Xarkov restoranındakı müştəriləri atəşə tutub. Açılan atəş nəticəsində zərərçəkənlərdən biri dünyasını dəyişib, bir neçə nəfər yaralanıb.

Moldova hökuməti 72 saatdan sonra cinayətkarların Ukraynaya ekstradisiya olunacağı yoxsa ölkədə həbsdə qalacağına dair qərar verəcək.