“Sberbank” Türkiyədəki payını ərəblərə satdı

Axar.az xəbər verir ki, bu barədə məlumatı "Röyter” agentliyi yayıb. Bankın səhmlərinin 99,85%-i ərəblərə 3,2 milyard dollara satılıb.

Qeyd edək ki, "Dənizbank” bundan öncə Rusiyanın "Sberbank”ına aid olub. Bankın satışı ilə bağlı ruslarla ərəblər arasındakı danışıqlar yanvar ayında başlayıb. "Sberbank” "Dənizbank”dakı payını 2012-ci ildə Belçikanın "Dexia” qrupundan 2,79 milyard avroya alıb.

"Emireyts NBD” Birləşmiş Ərəb Əmirliklərinə məxsusdur. Bank Fars körfəzinin ən böyük banklarından sayılır. Hazırda bankın 7 min işçisi var. Bankın ümumi dəyəri 121 milyard dollardır. "Emireyts NBD”-nin rəhbərlərindən biri Dubay əmirinin əmisi şeyx Əhməd bin Saed əl Məktumdur.