Kərkük neftinin İrana ixracı başlandı

Axar.az xəbər verir ki, bunu "Əl Sumariyə” televiziyasına açıqlamasında İraq Neft Nazirliyinin rəsmi nümayəndəsi Əhməd Cihad deyib. Onun sözlərinə görə, Bağdad İranla imzalanan razılaşma əsasında Tehrana neft ixrac edir:

"Bu razılaşmaya əsasən, İrana gündəlik 30-60 min barrel neft ixrac edilməlidir. Neft avtosisternlərlə Kirmanşah vilayətindəki neftayırma zavoduna çatdırılacaq. Tehran isə bunun qarşılığında eyni miqdarda nefti ixrac üçün Fars körfəzinin cənubundakı limanlarına göndərəcək. Gələcəkdə biz Kərkükdən İran sərhədinə gündəlik 250 min barrel neft ixracına imkan verən boru kəməri çəkməyə ümid edirik”.