Qəndil əməliyyatını o idarə edəcək – Detallar

Axar.az xəbər verir ki, bu sözlər "Hürriyyət” yazarı Əbdülqədir Səlvinin Türkiyənin PKK-nın beşiyi sayılan Qəndil istiqamətində hazırladığı əməliyyat barədə yazısında qeyd olunub.

"Baş nazirin səfərini Baş Qərargah rəisi Hulusi Akar və MİT müşaviri Hakan Fidanın Bağdad ziyarətləri təqib edir. Arxa qapı diplomatiyası nəticə verir, Bağdad hökuməti əməliyyata yaşıl işıq yandırır. İndi də bənzər proseslər İranla davam etdirilir. PKK liderləri Cəmil Bayık və Murad Qarailan Qəndilin İran tərəfindəki mühafizə olunan ərazilərini istifadə etdikləri üçün İranla razılıq əhəmiyyətli xarakter daşıyır. İran bir müddət əvvəl Qəndilə yaxın yaşayış ərazilərini boşaltmağa başlayıb. Ancaq İranla müzakirələrin hələ də davam etdirildiyi bildirilir”, - Səlvi yazıb.

Müəllifin sözlərinə görə, bu müddət ərzində Türkiyə də boş durmayıb. Ankara PKK düşərgələri istiqamətində təsirli əməliyyatlar təşkil edib:

"PKK-nın qış təşkilatlanmasına izn verilməyib. PKK-nın bir təqvimi var. Türkiyə təhlükəsizlik orqanlarının effektli əməliyyatları nəticəsində PKK bu il Türkiyə ərazisinə partladıcı maddə və minalar keçirə bilməyib. Daxili İşlər naziri Süleyman Soylu görüşlərimizdən birində əlini xəritə üzərində gəzdirib "Bestlər-Dərələr bölgəsini dronlarla nəzarətə alıb, keçidlərinə icazə verməyəcəyik” demişdi. Soylu dediyini etdi”.

Səlvinin yazısında ən diqqətçəkən məqam isə Qəndil əməliyyatının artıq başladığını iddia etməsi olub.

"Biz "Qəndil əməliyyatı təşkil olunacaqmı” deyə müzakirə aparırıq, ancaq təhlükəsizlik orqanlarına görə əməliyyat onsuz da başladılıb. Mart ayından etibarən içəriyə 25-30 kilometr girilib. 11 baza bölgəsi yaradılıb. PKK-nın 16 düşərgəsi məhv edilib. İraqın daxilində isə Qəndillə Suriya arasındakı əlaqəni qopartmaq üçün mühasirəyə almaq əməliyyatı davam etdirilir. Qəndillə PYD-YPG arasındakı əlaqəni qoparmaq üçün PKK-nın Sincardan çıxarılması əhəmiyyətli bir addım idi. Bu da qismən həyata keçirildi.

Günlərlə davam edəcək bombardmanla Qəndildəki düşərgələrin, silah-sursat anbarlarının məhv edilməsi planlaşdırılır. Qəndil yumşaldıqdan sonra hava dəstəkli quru əməliyyatının başlayacağı söylənir. TSQ Qəndil əməliyyatına sıfır səhv ehtimalı ilə hazırlanır. Təşkilata sadəcə hərbi deyil, psixoloji olaraq da böyük bir zərbə vurulmuş olacaq. Beləliklə, Qəndilə türk bayrağının sancılması PKK ilə mübarizədə bir dönüş nöqtəsi anlamına gələcək. Bu arada Məhərrəm İncəyə də məyus olacağı bir xəbərim var. Qəndil əməliyyatını rütbəsini sökəcəyini açıqladığı İsmayıl Mətin Temel paşa idarə edəcək”.