ABŞ SSRİ-nin aerodromlarını ələ keçirir

 ABŞ Şərqi Avropadakı sovet aerodromlarını təmir etdirir.

Axar.az xəbər verir ki, bunu "Raşın Tudey” televiziyasına müsahibəsində rusiyalı hərbi ekspert Yuri Knutov deyib.

"Bu bizim ölkəyə təzyiq aktıdır. Rusiyanın NATO ölkələrindən hansısa birinə müdaxilə edəcəyi fikri fantaziyadır. Bu əsas altında NATO öz ordularını Rusiya ilə sərhədə yaxınlaşdırır.

Pentaqon aktiv şəkildə Rusiya sərhədindəki aerodromları modernləşdirir. ABŞ anlayır ki, Avropa ölkələrinin ordularının döyüş hazırlığı zəifdir və buna görə də imkanlarını nəqliyyat aviasiyası ilə gücləndirməyə ümid edir. ABŞ həmçinin yeni silahlanma yarışını da alovlandırır. Bu, Rusiyanın planları ilə üst-üstə düşmür. Moskva Vaşinqtonun Avropadakı aviasiya infrastrukturunu gücləndirməsinə lazımi cavabı verə bilər” – deyə o bildirib.