Ərdoğan Baxçalı ilə danışıqlara başlayır

AzVision.az "Anadolu” agentliyinə istinadən xəbər verir ki, görüşdə baş nazir Binəli Yıldırımın da iştirak edəcəyi gözlənilir. Bu, 24 iyun Türkiyədə keçirilən prezident və parlament seçkilərindən sonra Ərdoğanla MHP sədrinin ilk görüşü olacaq. Lakin görüşdə nələrin müzakirə olunacağı açıqlanmır. 

Bununla belə, Baxçalı ilə görüşün prezident üsul-idarəsinə keçid məsələsini müzakirə etmək üçün Ərdoğanın dünən baş nazir və hökumət üzvlərini toplamasından sonra keçirməsi diqqət çəkib. 

Qeyd edək ki, Ərdoğanın Ədalət və İnkişaf Partiyası (AKP) ilə MHP "Cumhur İttifaqı” quraraq seçkilərə vahid siyasi blokdan qatılmışdılar. MHP sədri Dövlət Baxçalının müavini Səfər Aycan bəyan edib ki, parlament seçkilərində 49 yer qazanan MHP Türkiyə Böyük Millət Məclisində "açar rol” oynayacaq: "Bundan sonra parlamentdəki siyasəti MHP aparacaq. Biz nə deyəcəyiksə, o olacaq.”