Prezident futbol təklifinə yox dedi: "İşim var"

NATO sammitində iştirak etmək Brüsseldə olan Türkiyə prezidenti Rəcəb Tayyib Ərdoğan onu futbola dəvət edən həmkarına rədd cavabı verib. İstiPress-in məlumatına görə, Fransanın dövlət başçısı Emanuel Makron Ərdoğanı Dünya Çempionatının finalını - Fransa-Xorvatiya matçını birlikdə izləməyə dəvət edib.

Ancaq türk lider "hökumət yeni qurulub, işim var, televizordan izləyəcəm" deyərək bu təklifdən imtina edib. 

İki lider arasında Belçikadakı görüş 1 saat 15 dəqiqə davam edib.

Xatırladaq ki, dünya liderləri Xorvatiya ilə İngiltərə qarşılaşmasına da sammit zamanı ayaqüstü mobil telefondan baxıblar.