Türkiyədəki çevriliş cəhdi və Gəncə olayı... – Səfir

Axar.az xəbər verir ki, bu sözləri Türkiyənin Azərbaycandakı səfiri Ərkan Özoral 15 iyul hadisələrinin ikinci ildönümü ilə əlaqədar keçirilən tədbirdə deyib.

Onun sözlərinə görə, həmin gecə türk milləti demokratiyaya sahib çıxdı:

"Bütün dünyaya bir daha sübut elədi ki, bu dövləti şərəfsizlərə əsla buraxmarıq. Millətimiz dövlətimizə sonsuza qədər sahib çıxacaq. Mən şəhidlərdən Mahmud Coşqunsu barədə bir məqamı vurğulamaq istərdim. Onn həyat yoldaşı Nigar xanım azərbaycanlıdır. Mahmud Coşqunsunun Türkiyə uğrunda canından keçməsi bir millət iki dövlət olduğumuza örnəkdir. Sevincimiz də kədərimiz də birdir. Bu günlərdə İslamla heç bir aidiyyatı olmayan bəzi faktorlar Azərbaycanda 15 iyulda olduğutək oyun qurmağa çalışdılar. Bu şərəfsiz şəbəkələr bilməlidirlər ki, Türkiyə də, Azərbaycan da onları əzib yox edəcək gücdədir. Bizlər bu xainlərin, FETÖ şərəfsizlər sürüsünün necə yox olacağını yaxın zamanda görəcəyik".