Rusiya hava məkanını pozdu, səfirə nota verildi

 

AzVision.az xəbər verir ki, bu barədə Estoniya Müdafiə Qüvvələri məlumat verib. Etiraz notasına səbəb kimi Rusiya təyyarələrinin Estoniya hava məkanını 2 dəfə pozması göstərilib. Notada hər iki insidentin ötən gün Fin körfəzindəki Vayndloo adası yaxınlığında baş verdiyi bildirilib. 

"Əvvəlcə Estoniya hava məkanına Airbus A319, sonra isə İl-96 təyyarəsi daxil olub. Təyyarələr Estoniya hava məkanında 1 dəqiqədən az qalıblar”, – deyə notada qeyd olunub. 

Estoniya XİN-dən bildiriblər ki, rus təyyarələrindən heç biri öz uçuş planlarını əvvəlcədən təqdim etməyiblər. 

Estoniya Müdafiə Qüvvələrinin məlumatına görə, 2018- ci il başlayandan bəri rus təyyarələri 6 dəfə bu ölkənin hava məkanını pozublar.