Orxan Camal qətlində şok: Müqavimət göstərib... - FOTO

Axar.az xəbər verir ki, "Corbeau News” saytı sürücünün rusiyalı jurnalistlərə hücum edən şəxslərin nə fransız, nə də yerli sanqo dilinə bənzər dildə danışdığını, rusiyalıların onların dilini yaxşı başa düşdüyünü bildirib.

"Yerli əhali bu hücumun yerli döyüşçülər tərəfindən törədilən cinayətlərə bənzəmədiyi qənaətindədir. Onların fikrincə, hücum edənlər puldan başqa jurnalistlər üzərində əlavə şeylər də axtarıblar.

Əslində hücum edənlər üçün prioritet hədəf üç jurnalist arasındakı ən böyük və əzələli şəxs olub. Hücumu həyata keçirən şəxs onun ciblərini axtarmaq istəyib, amma jurnalist buna mane olaraq, ona müqavimət göstərib. Nəticədə o, digər iki həmkarının gözü qarşısında qətlə yetirilib”.

Qeyd edək ki, Orxan Camal və digər iki rusiyalı jurnalist iyulun 30-da Mərkəzi Afrika Respublikasında qətlə yetiriliblər. Onlar MAR-a Rusiyanın "Vaqner” özəl hərbi şirkətinin muzdluları haqqında xüsusi reportaj üçün gediblər. Bəzi rusiyalı politoloqların iddiasına görə, hər üç jurnalisti "Vaqner”in muzdluları öldürüb.