Misirdən Rusiyaya 25 milyardlıq lisenziya

 

AzVision.az bildirir ki, bu barədə Rusiyanın sənaye və ticarət naziri Georgi Kalamanov məlumat verib. 

"AES üzrə tikinti işlərinin aparılması üçün lisenziyanın 2020-ci ildə əldə olunması gözlənilir. Bundan sonra AES-in reaktor bölməsində "ilk betontökmə” mərhələsinə keçmək mümkün olacaq.” – deyə, Kalamanov bildirib. Onu da əlavə edib ki, AES-in tikiləcəyi ərazidə mühəndis araşdırma işləri artıq başa çatıb və həmin işlər indi də Aralıq dənizi akvatoriyasının yaxınlığında davam etdirilir. 

Xatırladaq ki, 2008-ci ildə Rusiya və Misir atom enerjisindən sülh məqsədlərilə istifadə sahəsində hökumətlərarası müqavilə imzalayıblar. 2015-ci ildə imzalanan müqaviləyə görə isə Misirin Aralıq dənizi sahilindəki Əd-Dəba şəhərində ölkənin ilk AES-nin tikilməsi üçün Rusiya Qahirəyə 25 milyard dollar məbləğində kredit verəcək. Bununla da, Misirdəki AES-in tikintisində iştirak edən Rusiya həm də onun maliyyələşməsinin 80 faizini öz üzərinə götürüb. AES-in tikilməsi üzrə bu layihənin 12 il müddətinə reallaşacaq.