Günəşə peyk buraxıldı – ilk dəfə - VİDEO
29.05.2020 07:06
ABŞ-ın Florida ştatındakı Kanaveral burnunda yerləşən kosmodromda "Delta IV Heavy" daşıyıcı raketi kosmosa göndərilib. Raket Günəş tacını tədqiq edəcək "Parker Solar Probe" kosmik peyk-zondunu orbitə çıxarıb.
Anews.az milli.az-a istinadən xəbər verir ki, "United Launch Alliance" şirkətinə məxsus raketin yüksək elliptik orbitə çıxardığı peyk-zond kiçik avtomobil boydadır.
Bunun üçün dünyanın ən güclü raketinə əlavə, üçüncü pillə qoşulub.
Astrofizik Yucin Parkerin şərəfinə "Parker Solar Probe" adlandırılan peyk-zond bundan sonrakı 7 il ərzində Günəş ətrafında 24 dövrə vurmalıdır. NASA alimləri düşünürlər ki, peyk-zond Günəşə 6,1 milyon kilometrlik zonaya qədər yaxınlaşacaq.
Bəşər tarixində indiyədək heç bir peyk və ya zond Günəşə bu qədər yaxınlaşmayıb.
"Parker Solar Probe"dakı qurğular və cihazlar zondu Günəş şüalarında yanmaqdan qoruyacaq qalın istilik qalxanı ilə qorunub. Həmin cihazlar arasında kamera, Günəş atmsoferindəki maqnit və elektrik sahələri ölçəcək qurğu, habelə "Günəş küləyi"ndəki hissəcikləri müşahidə edəcək sistem var.
Peyk-zond Günəşə noyabrda çatacaq, ilk görüntülər isə Yerə dekabrda göndəriləcək.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
