İŞİD yenə hədələdi: "Başınızı kəsməyə gəlirik" - VİDEO

Baş kəsməklə dünyanın gündəmindən düşməyən terror təşkilatı İŞİD-in yeni videosu yayımlanıb.ANN.Az xəbər verir ki, İŞİD yaraqlılarının yayımladığı sonuncu video kürdlərin rəhbəri hesab olunan Məsud Barzani ilə bağlıdır. İraq Kürdüstanının, eləcə də Demokraftik Kürd Partiyasının lideri olan Barzani bu video vasitəsilə hədələnir. İŞİD yaraqlıları videoda bildirirlər ki, Rəqqadan Kobaniyə yardım üçün əlavə qüvvələr göndərilir. Eləcə də videoda danışan İŞİD komandiri "Quran və qılıncla başınızı kəsməyə gəlirik" deyir. Qeyd edək ki, peşmərgə və YPG döyüşçüləri Kobanidə İŞİD-in əlində olan Miştenur təpəsini yenidən öz nəzarəti altına alıb. Hazırda həmin bölgədə şiddətli döyüşlər gedir.

ANN.Az