Koçaryan Rusiyasız Ermənistanın nə olduğunu Paşinyana xatırlatdı

Oxu.Az xəbər verir ki, Ermənistanın keçmiş prezidenti Rusiya ilə müttəfiqliyin Ermənistanın təhlükəsizlik məsələsi olduğunu bildirib.

"Gəlin, mənə qarşı cinayət işini Rusiya ilə bağlamayaq. Mən istəmirəm ki, bu iş personalaşdırılsın. Lakin Paşinyan bütün dünyanın Ermənistana, Ermənistandakı vəziyyətə uyğunlaşmalı olduğunu bəyan edəndə, bu, məndə ciddi narahatlıq doğurur”, - deyə Koçaryan qeyd edib. 

O vurğulayıb ki, Rusiya elə bir ölkə deyil ki, onunla bu dildə danışsınlar.

"Bu müttəfiqlik olmadan Ermənistanın təhlükəsizliyi böyük sual altında qalacaq”, - deyə eks-prezident əmindir.