Rusiya briqadasını Ukraynaya göndərdi

Rusiyadan Ukrayna ərazisinə 56-cı desant-hücum briqadasının hərbi texnikası və canlı qüvvəsi daxil olub.ANN.Az Publika.az-a istinadən xəbər verir ki, bu barədə “Pravoye delo” ictimai təşkilatının sədri Dmitri Sneqirev bildirib.Onun sözlərinə görə, sözügedən briqada Çeçenistan və Dağıstanda döyüş təcrübəsi qazanıb.

“Yerli sakinlərin informasiyasına görə, noyabrın 10-da Rusiyanın Rostov vilayətindən  56-cı desant-hücum briqadası Ukraynaya daxil olub. Halbuki, onun daimi dislokasiya yeri Volqoqrad vilayətinin Kamışın şəhəridir. Briqada 1999-cu ilin avqustunda Dağıstan Respublikası və Çeçenistan Respublikasında döyüş əməliyyatlarında iştirak edib. Briqada daha əvvəl Cənub hərbi dairənin operativ güclərinə tabe idi, amma 21 oktyabr 2013-cü il Rusiya Hərbi Hava Qüvvələrinin tərkibinə daxil olub”, - deyə D.Sneqirev vurğulayıb.

ANN.Az