ABŞ-a xəbərdarlıq: Milyardlara başa gələcək

Axar.az xəbər verir ki, bu sözləri "Forbes” jurnalı üçün yazdığı məqalədə hərbi ekspert Loren Tompson deyib. Ekspertin sözlərinə görə, ABŞ sadəcə bir az düzəlişlər etməklə mövcud hərbi strukturunu qorumalıdır.

"Kosmik qüvvələrin yaradılması hər şeydən əvvəl hərbi qurumlar arasındakı əsas münasibətləri zədələyəcək. ABŞ ordusu orbital sistemdən, geolokasiyadan və peyk əlaqəsindən kəskin şəkildə asılıdır və yeni qoşun növünün yaradılması uzun illər ərzində formalaşdırılmış əlaqələrin dağılmasına səbəb ola bilər. Müxtəlif birləşmələr arasında əlaqə zamanı yeni baryerlər yaranacaq ki, bunlar da qarşılıqlı fəaliyyətin pisləşməsinə gətirib çıxaracaq. Nümunə üçün səbəbi informasiya mübadiləsindəki çatışmazlıqlar olan 11 sentyabr hadisələrini göstərmək olar”.

Tompson hesab edir ki, kosmik qüvvələr heç cür özünü təmin edə bilməyəcək və digər qoşun birləşmələrinin resurslarından istifadə etməyə başlayacaq. Eyni zamanda, bu qoşun növü üçün yeni hərbi doktrina, mülki və hərbi personal, xüsusi təşkilati dəstək və formalar lazım gələcək. Ekspert bütün bunların milyardlarla dollara başa gələcəyi barədə xəbərdarlıq edib.