Urmunun səviyyəsi 8 metr aşağı düşdü

Axar.az xəbər verir ki, bu barədə Urmiya gölünü Canlandırma Mərkəzi tərəfindən yayılan statistik məlumatda bildirilir.

Göldə suyun tarazlıq səviyyəsi sentyabrın 8-də 1270.31 metr, həcmi isə 1.12 milyard kubmetr olub. Bu, ötən ilin müvafiq dövrü ilə müqayisədə suyun səviyyəsinin 0,3%, həcminin isə 0.02% azaldığını göstərir.

Həmçinin son 20 ildə suyun səviyyəsinin orta hesabla hər il 40 santimetr aşağı düşdüyü məlum olub.

Hazırda Urmu gölünün ümumi sahəsi 1771.35 kvadrat kilometrdir. Halbuki, normal vəziyyətdə gölün sahəsi 4526.7 kvadrat kilometr olub.

Qeyd edək ki, gölün quruması nəticəsində bölgənin ətraf mühitində baş verən dəyişikliklər 15 milyondan çox insanın həyatını təhdid edir.