"Ağlamaqdan gözləri şişən qızlara..." - 30 illik "kedicikdən" ETİRAF

BAKU.WS Türkiyə KİV-nə istinadən xəbər verir ki, 30 ildir A.Oktarın yanında olan və onun televiziya, internet yayımlarına rəhbərlik edən A.Pars istintaqa 120 səhifəlik ifadə verib.

Onun ifadəsində şok məqamları təqdim edirik:

30 nəfərlik qrupda gözü kimi tuturdusa, onu döyərdi. Döymək deyəndə, sadəcə şillədən söhbət getmir. Yerdə sürüyər, başını keçəl qırxdırardı. Bir qadını alçaldacaq hər şeyi edərdi. Bu şiddətə yüz dəfələrlə şahid oldum.

Din altında çox əxlaqsızlıqlar edildi. İçəridə olanlar çox daha fərqli idi. Hücrə sistemi vardı. Birinin etdiyini digərləri bilməzdi. Başda hər zaman Adnan Oktar vardı. Onun direktivləri əmr hökmündəydi.

 

Qadınlardan ona aşiq baxışları ilə baxmalarını istəyərdi. Onu nə qədər çox sevdiklərini, ona ünvanlanan gözəl sözlər demələrini istəyərdi. Daha doğrusu, bunu tələb edirdi. Yayım zamanı bacılardan biri əgər ona aşiq kimi baxmasaydı, yayıma ara verdirib, ona işgəncə verərdi. Bu zaman kameralar söndürülürdü, yediyi yemək başından aşağı tökülür, saçlarını qayçı ilə, hətta əli ilə yolur, təhqirlər yağdırırdı.

Qızı yanına çağırıb, barmağı ilə nəbzinə baxardı. Qızın qorxudan nəbzi yüksəldiyi vaxt, "Bax, məni necə sevir? Toxunan kimi nəbzi yüksəldi" deyərdi. Ağlamaqdan gözləri şişən qızlara "Mənə eşqlə baxır. Baxanda gözləri dolur", deyirdi.

Ciddi bir mehdilik xəstəliyi vardı. Ona elə gəlirdi ki, Mehdi Sahibi Zamandır. Şəhvət və lüks düşkünü idi. Paranoyakdı. Hər kəsi sata biləcək qədər etibarsız biri idi. Təşkilatdakı bütün qadınları özünə kəniz etmişdi.

Təşkilata 15-16 yaşında qızlar da gəlirdi. Studiyaya gələn kiçik qızları yayım zamanı göstərməzdik.