"Əhməd məni öldürmək, qanımı batırmaq istəyir" - "Emirates Airline" in prezidentiinin sabiq arvadı - FOTO

Səudi jurnalist Camal Haşoqqinin itkin düşməsindən, yoxa çıxmasından sonra qorxuram. Onlar hər şeyə, ən qorxulu əməllərə qadirdirlər.

Birləşmiş Ərəb Əmirliklərinin şeyxi Əhməd bin Səid əl Məktumun sabiq arvadı, 41 yaşlı Nivin əl Ğəmal belə deyir.

Əl Ğamalın şeyxlə izdivacından 10 yaşlı oğlu var.

Qadınının dediyinə görə, əl Məktum onu öldürmək istəyir.

BƏƏ-nin "Emirates Airline" aviaşirkətini rəhbəri olan 59 yaşlı şeyxin mətbuat katibi isə iddiaları qətiyyətlə rədd edib.

Səudi jurnalist, rəsmi Ər-Riyadı sərt tənqid etməsi ilə tanınan Camal Haşoqqi oktyabrın 2-də Səudiyyə Ərəbistanının İstanbuldakı konsulluğunun binasına daxil olub. O vaxtdan bəri jurnalist yoxa çıxıb.

41 yaşlı Nivin əl Ğəmal qorxur. Onun sözlərinə görə, Londonun Belqraviya səmtində yerləşən, 4 milyon funt-sterlinq dəyərindəki evinə od vurub yanğın törədənlər də sabiq ərinin adamlarıdır.

"Yanğından bir qədər əvvəl evin yaxınlığında şübhəli davranan 3 naməlum kişi görünüb. Bu adamları sabiq ərimin yolladığına əsla şübhə etmirəm. Evimin dörd mərtəbəsinin hamısı yanıb", - əl Ğamal söyləyib.

Məşhur memar ser Metyu Uaytın layihəsi əsasında tikilmiş ev əvvəllər "Ceyms Bond"un müəllifi Yan Fleminqə məxsus olub.

Sabiq əri Dubay əmirinin əmisi olan əl Ğamal təşvişdədir: "Səudiyyə Ərəbistanı kimsəni hesaba almadan davranır, istədiyi adamı yoxa çıxarır. Birləşmiş Ərəb Əmirlikləri də belədir. Qorxuram ki, növbəti Haşoqqi mən olum".

Şeyx Əhməd bin Səid əl Məktumla Nivin əl Ğəmal 2004-cü ildə Dubayda tanış olublar, 2006-cı ildə ailə qurublar. 2008-ci ildə onların oğulları dünyaya gəlib.

Səid 2008-ci ildə Los-Ancelesdə doğulandan sonra ərlə arvad arasında münaqişələr başlayıb. Şeyx Əhməd oğlunun atasının o olmadığını söyləyib və arvadından ayrı yaşamağa başlayıb. 2008-ci ildə isə o, əmisinin nəvəsi ilə evlənib.

Əl Ğamal məhkəməyə müraciət edərək DNT ekspertizası tələb edib. Ekspertiza Səidin atasının Şeyx Əhməd olduğunu təsdiqləyib.

Məhkəmənin qərarına görə, şeyx Əhməd sabiq arvadına hər ay 15 min funt-sterlinq aliment ödəməli idi./milli.az