Putin xərçəngə tutulub?

ABŞ nəşriyyatı Rusiya prezidentinin bu yaxında öləcəyini iddia edir

Amerikada nəşr olunan “New York Post” qəzeti Rusiya prezidenti Vladimr Putinin xərçəngə yaxalandığını iddia edib. ANS PRESS-in məlumatına görə, dövlət başçısının pankreas və ya sümük iliyi xərçənginə yaxalandığı qeyd edilib. Həkimlər isə bu xərçəngə yaxalananların yaşama şansının sadəcə 8 faiz olduğunu bildirir. 

Putinin Almaniyanın Dresdner şəhərindəki həkimə müraciət etdiyini yazan qəzet Rusiya prezidentinin 84 yaşlı onkoloqla Şərqi Almaniyada KQB-də işlədiyi zaman tanış olduğunu bildirib. Həmçinin həkimin Putinə əzələləri qüvətləndirici iynə vurduğu qeyd edilib. 

Rus liderin 15 ildən sonra ilk dəfə oktyabrın 7-də 62 yaşını qeyd etməsi də Amerikan nəşrinin diqqətindən yayınmayıb.

Amerikalı yazar Riçard Conson isə Rusiya prezidenti barədə yazdığı bioqrafiyada Putinin 3 il ömrü qaldığını iddia edib. 

“Putinin 3 il ömrü qaldı. O, ölkəsinin sərhədlərini böyüdərək öldükdən sonra qəhrəman kimi yad edilmək istəyir”. 

Polşada nəşr olunan “Fakt” qəzeti isə Kreml rəhbərinin aqressiv xarici siyasətini xəstəliyi və bu xəstəliyə görə qəbul etdiyi ağır tərkibli dərmanlarla əlaqələndirib. 

ANN.Az