Azərbaycanlı Rusiyada saxta sənədlə ələ keçdi

İssinski rayonunun (Rusiyanın Penza vilayəti) prokurorluğu RF CM-nin 327-ci maddəsinin 3-cü bəndi ilə nəzərdə tutulmuş (saxtalığı əvvəlcədən bəlli olan sənədlərdən istifadə) cinayət işi üzrə xarici vətəndaşa qarşı irəli sürülən dövlət ittihamını dəstəkləyib.

İşə baxılması zamanı müəyyən edilib ki, Azərbaycan vətəndaşı Məmməd Eyvazov 2018-ci ilin mart ayında Moskvada naməlum şəxsdən 3700 rubla (55 ABŞ dolları – red.) saxtalığını əvvəlcədən bildiyi miqrasiya kartını və xarici vətəndaşın gəlişi haqqında qopardılan blank alıb və onları rəsmi sənəd kimi istifadə etmək niyyətində  olub.

Hakimin qərarı ilə Eyvazov 5 min rubl (75 dollar) məbləğində cərimələnib.