Parlamentin binasından özünü atmaq istəyən şəxsi deputat xilas etdi - FOTO

Bir şəxs TBMM (Türkiyə Böyük Millət Məclisi) binasının damına çıxaraq intihara cəhd etmək istəyib. 

Təxminən 2 saat damda duran vətəndaşı AK Partiya millət vəkilləri Ali İhsan Arslan, Ekrem Çelebi, Hasan Turan, MHP-dən olan millət vəkili Saffet Sancaklı və CHP üzvü Ahmet Akın yola gətirərək fikrindən daşındırmağı bacarıblar.

AK Partiyanın Bingöldən seçilən millət vəkili Feyzi Berdibek intihara cəhd etməyə çalışan vətəndaşa 10 min lirə təklif edib. 

Millət vəkili Feyzi Berdibek təklifini "Bütün sərvətimi xərcləyərəm, yetər ki, bir qardaşımızın dırnağı qanamasın. Problemi olanlar ola bilər. Mənim hər zaman qapım açıqdır" sözləri ilə izah edib./milli.az