“Total” prezidentinin həlak olduğu qəza ilə bağlı 4 nəfər saxlanıldı

Rusiya İstintaq Komitəsinin rəsmi nümayəndəsi Vladimir Markin Moskvanın “Vnukovo” aeroportunda baş vermiş təyyarə qəzası ilə bağlı 4 nəfər saxlanıldığını bildirib.APA-nın “RİA Novosti”-yə istinadən verdiyi xəbərə görə,    “Vnukovo” aeroportunun uçuş zolağında təmizlik işləri həyata keçirən aerodrom xidmətinin aparıcı mühəndisi Vladimir Ledenev, uçuşlar üzrə rəhbər Roman Dunayev, dispetçer-stajçı Svetlana Krivsun və dispetçer Aleksandr Kruqlov saxlanılıb. Saxlanılan şəxslər uçuş təhlükəsizliyinin tələblərinə riayət olunmasını təmin etməməkdə ittiham olunur. Saxlanılan şəxslər şübhəli şəxs qismində ifadə veriblər.     Xatırladaq ki, oktyabrın 20-də Moskvanın “Vnukovo” aeroportunda kiçik mühərrikli təyyarənin qartəmizləyən texnika ilə toqquşması nəticəsində Fransanın “Total” neft şirkətinin prezidenti Kristof de Marjeri və təyyarə heyətinin 3 üzvü ölüb.ANN.Az