Putin ABŞ-ın şərtinə münasibət bildirib

Rusiya Orta və Yaxın Mənzilli Raketlərin ləğv edilməsi üzrə Müqavilənin (OYMRM) pozulmasının əleyhinədir, ancaq ABŞ-ın onun icrasını dayandırmasına cavab verməli olacaq.
Bu barədə Rusiya Prezidenti Vladimir Putin ABŞ-ın dövlət katibi Mayk Pompeo tərəfindən bu məsələ ilə bağlı səslənidirlən fikirlərə şərh verərkən bildirib.
Onun sözlərinə görə, Amerika Konqresi OYMRM haqqında qərarının açıqlanmasından əvvəl müvafiq raketlərin yaradılması üçün pul ayırıb.
"Yəni qərar çoxdan qəbul edilib, amma bunu sakitcə ediblər. Düşünürdülər ki, bunu görməyəcəyik. Amma Pentaqonun büdcəsində artıq bu raketlərin hazırlanması yer alıb. Onlar yalnız bundan sonra müqavilədən çıxdıqlarını elan ediblər”, – V.Putin deyib.
Rusiya Prezidenti müqavilənin pozulacağı halda, buna cavab verəcəklərinə söz verib: "Sayları, yəqin ki, artıq onlarla olan bir çox başqa ölkələr belə silahlar istehsal edir. Rusiya və ABŞ isə bir-birlərini ikitərəfli qaydada məhdudlaşdırıb. Görünür, indi amerikalı tərəfdaşlarımız vəziyyətin çox dəyişdiyini, ABŞ-ın da belə silahlara malik olmasının zəruriliyini hesab edirlər. Cavabımız nə olacaq? Çox sadə: o zaman biz də bunu edəcəyik”. (Report.az)

www.anews.az