Jurnalist özünü yandırdı

Kameramanın ölümündən sonra vilayətdə nümayişlər başlayıb

Tunisdə bir kameraman özünü yandırıb.

Anews.az aznews.az-a istinadən xəbər verir ki, Tunisdə iqtisadi şərtlərə etiraz etmək üçün kameran Abdurrezzak Zerki özünü yandırıb. Ölümündən sonra Kasrin vilayətində bütün gecə nümayişlər baş verib.

Tunis Beynəlxalq Jurnalistlər Birliyindən bu hadisə ilə bağlı açıqlama verilib. Çətin həyat şərtləri qarşısında ümidini itirən Zerkinin vəziyyətə etiraz etmək üçün özünü yandırdığı deyilən açıqlamada kameramanın ölümündə "mətbuatı əmək qanunundan kənarda işlədən dövlətin" məsuliyyətli olduğu deyilib.

Zerki özünü yandırmadan əvvəl sosial mediada görüntülü paylaşımında "Bu, Kasrin xalqına çağırışdır. Mən tək inqilab edəcəm" deyib.

Kameramanın ölümündən sonra vilayətdə nümayişlər başlayıb. Rezin yandırıb barrikada qurmağa çalışan və polislərə daş adan etirazçılara təhlükəsizlik xidməti göz yaşardıcı qazla müdaxilə ediblər.

Qeyd edək ki, 2011-ci ildə yerli təhlükəsizlik qüvvələrinin tunisli səyyar satıcı Muhammed Buazizi ilə pis rəftar etməsindən sonra o, özünü yandırıb.

Bu hadisə isə qısa müddətdə bir çox ölkəyə yayılan "Ərəb Baharı" adlı dövrün başlanğıcı olub. Həmin inqilabın ardınca Zeynel Abidin ibn Ali hakimiyyətini devirərək demokratiya, insan haqları və azadlıq sahəsində böyük uğurlar əldə edən Tunis ard-arda gələn hökumətlərlə inqilabın vədlərini qarşılamaqda yetərsiz qalıb.

"Ərəb Baharı"nın son qalası olan Tunis bu gün artan inflyasiya, işsizlik kimi problemlərlə mübarizə aparır.