Yasda içki içən 12 nəfər öldü

Dominikan Respublikasında saxta içki ucbatından ölənlərin cənazəsinə gələnlərə də eyni içki verildiyi üçün ümumən 12 nəfər dünyasını dəyişdi.

Haiti sərhədinə yaxın bölgədə evdə hazırlanan və tərkibində metanol olan likörün ilk olaraq keçən həftə ölümə səbəb olduğu açıqlandı.

Bu insanların yas mərasimində qonaqlara təqdim edilən likörün isə daha sonrakı ölümlərə yol açması da ölkədə ciddi müzakirələr yaratdı. Belə ki, ümumilikdə bu içkiyə görə 12 nəfər ölüb, 21 nəfər isə xəstəxanaya aparılıb.

Səhiyyə naziri Altagracia Guzman deyib ki, hüquq-mühafizə orqanları hadisəni araşdırırlar. Haitidə şəkər qamışından saxta likör hazırlanması geniş yayılıb.(musavat.com)