Ermənistanda kişi qıtlığı… – Qadınların sayı 2 dəfə artdı

Ermənistanın yeni seçilmiş parlamentində 32 qadın deputat təmsil olunacaq.

Anews.az teleqraf.com-a istinadən xəbər verir ki, əvvəlki parlamentdə 18 mandat yeri əldə edən erməni qadınlar bu dəfə 32 mandat əldə edərək, ümumi millət vəkillərinin 25 faizini təşkil edəcək.

Baş nazir Nikol Paşinyanın başçılıq etdiyi "Mənim Addımım" blokundan 23 qadın namizəd (Lena Paqosyan, Sona Qazaryan, Mari Qaltsyan, Tatevik Ayrapetyan, Tsovinar Vardanyan, Arsuyak Zulqakyan və s.) deputat mandatı almağı bacarıb.

Qagik Çarukyanın Çiçkənlənən Ermənistan Partiyası ("Çarukyan" frakasiyası) isə 5 qadın deputatla (Naira Zöhrabyan, Nora Arustamyan, Yvette Tonoyan, Şaxe İsayan və Karina Poqosyan) parlamentdə təmsil olunacaq.

İşıqlı Ermənistan Partiyasını isə 4 qadın deputat (Yele Tandilyan, Ani Samsonyan, Anna Kostanyan və Srbuhi Griqoryan) təmsil edəcək.

Qeyd edək ki, Ermənistanda parlament seçkiləri ötən il dekabrın 9-da keçirilib. Seçkilərdə "Mənim Addımım" bloku qalib gəlib.