Adnan Oktar həbsxanadan Ərdoğana MƏKTUB YAZDI

Cinayətkar qruplaşma yaratmaq və cinsi istismarda ittiham olunaraq həbs olunan Adnan Oktar cəza çəkdiyi Ədirnə həbsxanasından Türkiyə prezidenti Rəcəb Tayyib Ərdoğana məktubla müraciət edərək, ondan kömək istəyib.



O, bir zamanlar Əroğanın da 4 ay qaldığı Pınarhisar həbsxanasında vəziyyətin acınacaqlı olduğunu qeyd edib. Oktar orada 40 min məhkumun ayrı yatağı olmadığını və bu səbəbdən də 80 min məhkumun eyni yatağı paylaşmaq məcburiyyətində qaldığını yazıb. Həmçinin həbsxanada gigiyena, isti su çatışmazlığının, isitmə sistemlərinin və yeməklərin keyfiyyətinin aşağı olduğunu bildirib.


Türkiyə prezidenti və Cumhur İttifaqına müraciət edən A.Oktar bu məsələlərə əncam çəkilməsi üçün kömək istəyib.


"Dünyaya nümunə və lider olmaq yolunda irəliləyən Türkiyəmizin hüquq sistemini aşağılamağı hədəfləyən tələni pozmaq və vətəndaşını dövlətdən küsdürmə oyununu dayandırmaq cənab prezidentimizin və Cumhur İttifaqının əlindədir. Möhtərəm prezidentimizin diqqətini həbsxanalardakı məzlum və buradakı çatışmazlıqlar səbəbindən pis vəziyyətdə olan vətəndaşlarımızdan əsirgəməyəcəyini və bu problemlərin təcili həll edilməsi üçün lazımi tapşırıqlar verməsini xahiş edirik".
///Qaynarinfo

www.anews.az