Məşhur siyasətçinin xərçəng xəstəsi olan xanımı əməliyyat edildi - FOTOLAR

2018-ci ilin avqust ayında Suriya prezidenti Bəşər Əsədin xanımında xərçəng xəstəliyi tapılıb.

Suriyanın birinci xanımı, 43 yaşlı Əsma ötən gün əməliyyat olunub.

Suriya prezidentinin rəsmi tvitter səhifəsində yazılan məlumata görə, onun əməliyyatı uğurlu keçib.

Süd vəzi xərçənginə tutulan Əsma Dəməşqdəki hərbi hospitalda əməliyyat olunub.

Qeyd edək ki, qızlıq soyadı Əl Əhras olan Əsma Britaniyanın paytaxtı Londonda doğulub, orada London Universitetinin Kral Kollecini başa vurub. O, kompüter texnologiyaları və fransız ədəbiyyatı üzrə mütəxəssisdir.

Əsma Əsəd "Deutsche Bank" və "JPMorgan Chase"də çalışandan sonra Suriyaya qayıdıb.

Bəşər Əsədlə Əsma 2000-ci ildə ailə qurublar. Bu ailədə elə həmin il Hafiz, 2003-cü ildə Zeyne, 2004-cü ildə isə Kərim doğulub.

mənbə: milli.az