İŞİD sıralarında döyüşən azərbaycanlılar öldürüldü - VİDEO

Onlardan birinin Seymur Topçubaşov olduğu bildirilir

Azərbaycan KİV-lərində yayılan və rəsmən təsdiqlənməmiş məlumatlara görə, Suriyada İŞİD qruplaşması tərkibində döyüşən iki azərbaycanlı həlak olub.

Onlardan birinin Abu Abdurauf al-Azeri adı ilə döyüşən Seymur Topçubaşov olduğu bildirilir. O, artileriya bölməsinə rəhbərlik edib. Digərinin isə Sumqayıtdan olan və Abu Sureyya adını daşıdığı deyilir.

Onların harada öldüyü açıqlanmasa da, amma Suriyanın şimalında - Kobanidə öldükləri güman edilir. 

Azərbaycanca danışan "İslam dövləti" yaraqlılarının səsi aşağıdakı videoda eşidilir. Video Kobani ətrafında çəkilib.

Ümumiyyətlə, "İslam dövləti" sıralarında döyüşən azərbaycanlıların dəqiq sayının 200-300 arası olduğu ehtimal olunur.

ANSPRESS